నాకోసం కన్నీటిని రాల్చకండి వీలైతే కొన్ని అక్షరాల ఆమ్లాన్ని జల్లండి దీనంగా చూస్తున్న ఈ నాలుగు దిక్కులు అంతమవ్వని.. నా మీద జాలి చూపకండి కొన్ని పల్లేరు కాయల్ని నాటండి రేప్పొద్దున ఆ దారి గుండా నడిచే మత రాజకీయాల కాళ్ళను చీల్చనీ.. నాపై అమాయక స్త్రీ అని ముద్ర వేయకండి ఈ నీచ సంస్కృతి, సంప్రదాయాలను బోధించిన మత గ్రంథాల, కుల గొంతుకలకు నిప్పెటండి కాలి బూడిదవ్వని.. నన్ను ఇలానే నడిపించండి కశ్మీర్ నుండి కన్యాకుమారి దాక 21 వ శతాబ్దపు దేశ నగ్న చరిత్రను పుటలు పుటలుగా చదివి కాడ్రించి ఉమ్మనివ్వని.. నా తరపున న్యాయ దేవతతో మాట్లాడండి క్రూరత్వం, అనాగరికం, వివక్ష వైపు గుడ్డిగా వుండొద్దని కళ్లకున్న గంతలు విప్పండని ఈ నగ్న దేహం మీది గాట్లను చూడండని.. నాకోసం మరో చిప్కో ఉద్యమానికి ఊపిరి పోయండి పచ్చని చెట్లలాంటి మమ్ము హత్తుకోండి ఏ కాషాయ వస్త్రం కప్పకండని ఏ కాషాయ సారం గుప్పించొద్దని.
Related Articles
