2024 ఫిబ్రవరి 16న అఖిల భారత గ్రామీణ బంద్; పారిశ్రామిక / రంగాల సమ్మె సందర్భంగా సంయుక్త్ కిసాన్ మోర్చా, జాయింట్ ప్లాట్‌ఫామ్ ఆఫ్ సెంట్రల్ ట్రేడ్ యూనియన్స్ (జెపిసిటియు) విడుదల చేసిన 21 పాయింట్ల డిమాండ్ల చార్టర్ సంయుక్త్ కిసాన్ మోర్చా (ఎస్కెఎం) సెంట్రల్ ట్రేడ్ యూనియన్లు, ఇండిపెండెంట్ సెక్టోరల్ ఫెడరేషన్లు / అసోసియేషన్ల ఉమ్మడి వేదిక మోదీ ప్రభుత్వ కార్పొరేట్ అనుకూల విధానాలకు వ్యతిరేకంగా 2024 ఫిబ్రవరి 16 న గ్రామీణ బంద్; పారిశ్రామిక / రంగాల సమ్మెకు పిలుపునిచ్చింది.
భారత జాతీయ కాంగ్రెస్, కమ్యూనిస్ట్ పార్టీ ఆఫ్ ఇండియా (మార్క్సిస్ట్), ద్రవిడ మున్నేత్ర కాజకాం, కమ్యూనిస్ట్ పార్టీ ఆఫ్ ఇండియా, కమ్యూనిస్ట్ పార్టీ ఆఫ్ ఇండియా (మార్క్సిస్ట్-లెనినిస్ట్) లిబరేషన్, ఎస్‌యుసిఐ (కమ్యూనిస్ట్), కమ్యూనిస్ట్ పార్టీ ఆఫ్ ఇండియా (రెడ్ ఫ్లాగ్), పీపుల్స్ అలయన్స్ ఫర్ గుప్‌కర్ డిక్లరేషన్ ఆఫ్ జమ్మూ&కశ్మీర్, జమ్మూ కాశ్మీర్ నేషనల్ కాన్ఫరెన్స్, జమ్మూ కాశ్మీర్ పీపుల్స్ డెమోక్రాటిక్ పార్టీ, అవామి నేషనల్ కాన్ఫరెన్స్‌లతో కూడిన ఐదు పార్టీల కూటమితో సహా అనేక రాజకీయ పార్టీలు గ్రామీణ బంద్; పారిశ్రామిక / రంగాల సమ్మెకు మద్దతు ఇచ్చాయి.
విద్యార్థులు, వ్యవసాయ కార్మికుల వేదికలతో పాటు, ఐదు మహిళా సంస్థల వేదిక దేశవ్యాప్తంగా మద్దతు ఇవ్వాలని, సమ్మెలో చేరాలని మహిళలకు పిలుపునిచ్చింది. పంజాబ్ సరిహద్దులో మోదీ ప్రభుత్వం, బిజెపి నేతృత్వంలోని హర్యానా రాష్ట్ర ప్రభుత్వం సహా రైతులు, కార్మికులపై దశాబ్దాల పాటు జరిగిన, దోపిడీ, అణచివేతలకు వ్యతిరేకంగా తమ నిరసన వ్యక్తం చేయాలని సంయుక్త్ కిసాన్ మోర్చా, జెపిసిటియులు ప్రజలకు విజ్ఞప్తి చేశాయి.
21 అంశాల డిమాండ్ చార్టర్:
1. ఆహార, ఔషధాలు, వ్యవసాయ ఉత్పత్తులు, యంత్రాల వంటి అత్యవసర వస్తువులపై జీఎస్టీని తొలగించాలి, పెట్రోలియం ఉత్పత్తులు, వంట గ్యాస్‌లపై కేంద్ర ఎక్సైజ్ సుంకాన్ని గణనీయంగా తగ్గించాలి.
2. సీనియర్ సిటిజన్లు, మహిళలు, వికలాంగులు, క్రీడాకారులకు కోవిడ్ కారణంతో రద్దు చేసిన రైల్వే రాయితీలను పునరుద్ధరించాలి.
3. ఆహార భద్రతకు హామీ ఇవ్వాలి, ప్రజా పంపిణీ వ్యవస్థను సార్వజనీనం చేయాలి.
4. అందరికీ ఉచిత విద్య, ఆరోగ్యం, నీరు, పారిశుద్ధ్యం హక్కులను హామీ ఇవ్వాలి. నూతన జాతీయ విద్యా విధానం, 2020 ను రద్దు చేయాలి.
5. అందరికి ఇల్లు కట్టాలి.
6. అటవీ హక్కుల చట్టం (ఎఫ్ఆర్ఎ), భూసేకరణ పునరావాసం, పునరావాసం చట్టం (ఎల్ఎఆర్ఆర్ చట్టం) 2013 ను కఠినంగా అమలు చేయాలి; అటవీ (సంరక్షణ) చట్టం, 2023; నివాసితులకు తెలియజేయకుండా అటవీ నిర్మూలనకు అనుమతినివ్వగలిగే జీవవైవిధ్య చట్టం నిబంధనలకు కేంద్ర ప్రభుత్వం చేసిన సవరణలను ఉపసంహరించుకోవాలి. దున్నేవాడికే భూమి వుండేట్లు చూడాలి.
7. జాతీయ కనీస వేతనం 26000/- రూపాయలు వుండాలి.
8. ఇండియన్ లేబర్ కాన్ఫరెన్స్ ను క్రమం తప్పకుండా సమావేశపరచాలి.
9. ప్రభుత్వ రంగ సంస్థలు, ప్రభుత్వ విభాగాల ప్రైవేటీకరణను నిలిపివేయాలి. జాతీయ ద్రవ్యీకరణ పైప్ లైన్ (ఎన్ఎంపి- నేషనల్ మానిటైజేషన్ పైప్ లైన్) ను రద్దు చేయాలి.
ఖనిజాలు, లోహాల త్రవ్వకానికి సంబంధించిన ప్రస్తుత చట్టాన్ని సవరించాలి. స్థానిక సమాజాల, ముఖ్యంగా ఆదివాసీలు, రైతుల అభివృద్ధి కోసం బొగ్గు గనులతో సహా గనుల నుండి వచ్చే లాభంలో 50 శాతం వాటా ఉండేలా చూడాలి.
10. విద్యుత్తు (సవరణ) బిల్లు, 2022 ను ఉపసంహరించుకోవాలి. ముందస్తు చెల్లింపు స్మార్ట్ మీటర్లు వుండకూడదు.
11. పని చేసే హక్కును ప్రాథమిక హక్కుగా మార్చాలి. మంజూరైన ఉద్యోగాలను నింపాలి, నిరుద్యోగులకు ఉపాధి కల్పించాలి. ఎం.జి.ఎన్.ఆర్.ఇ.జి.ఎస్. ను విస్తరించాలి- అమలు చేయాలి (సంవత్సరానికి 200 రోజులు; రోజుకు 600 రూపాయల వేతనం). పట్టణ ప్రాంతాల్లో ఉపాధి హామీ చట్టాన్ని రూపొందించాలి.
12. విత్తనాలు, ఎరువులు, విద్యుత్తుపై రైతులకు సబ్సిడీని పెంచాలి, రైతులకు ఎంఎస్ పి @ సి -2 + 50% చట్టబద్ధంగా హామీ ఇవ్వాలి, సేకరణకు హామీ ఇవ్వాలి. రైతుల ఆత్మహత్యలను ఎలాగైనా నివారించాలి.
13. వాతావరణ మార్పులు, కరువు, వరదలు, పంట సంబంధిత వ్యాధులు మొదలైన వాటి వల్ల రైతులకు కలిగే నష్టానికి పరిహారం ఇవ్వడానికి కార్పొరేట్ అనుకూల ప్రధాన మంత్రి పంట బీమా ప్రణాళికను ఉపసంహరించుకోవాలి. అన్ని పంటలకు సమగ్ర ప్రభుత్వ రంగ పంట బీమా పథకాన్ని ఏర్పాటు చేయాలి.
14. వ్యవసాయ కుటుంబాలన్నింటినీ రుణ విముక్తం చేసేందుకు సమగ్ర రుణ మాఫీ పథకాన్ని ప్రకటించాలి.
15. చారిత్రాత్మక రైతాంగ పోరాటాన్ని నిలిపివేయడానికి కేంద్ర ప్రభుత్వం ఇచ్చిన వ్రాతపూర్వక హామీలను అమలు చేయాలి: సింఘు సరిహద్దులో అమరులైన రైతులందరికీ స్మారక చిహ్నం కట్టాలి, వారి కుటుంబాలకు పరిహారం ఇవ్వాలి, పునరావాసం కల్పించాలి, పెండింగ్‌లో ఉన్న అన్ని కేసులను ఉపసంహరించుకోవాలి, కేంద్ర గృహ మంత్రి అజయ్ మిశ్రా టెన్నీపై విచారణ జరపాలి.
16. నాలుగు లేబర్ కోడ్ లను రద్దు చేయాలి, నిర్ణీత కాల ఉపాధిని రద్దు చేయాలి పనిలో సమానత్వం- భద్రతను నిర్ధారించాలి. అకస్మాత్తుగా పనిలోంచి తీసివేయడం ఆపాలి. ఇంటి వద్ద పనిచేసే కార్మికులు, వీధి అమ్మకందార్లు, చెత్త ఏరేవాళ్లు, గృహిణులు, నిర్మాణ కార్మికులు, వలస కార్మికులు, పథక కార్మికులు, వ్యవసాయ కార్మికులు, దుకాణాలలో / సంస్థలలో పనిచేసే కార్మికులు, లోడింగ్ / అన్‌లోడింగ్ చేసే కార్మికులు, తాత్కాలిక (గిగ్) కార్మికులు, ఉప్పు కళ్ళాల కార్మికులు, బీడీ కార్మికులు, గీత కార్మికలు, రిక్షా తొక్కే కార్మికులు, ఆటో / రిక్షా / టాక్సీ డ్రైవర్లు, ప్రవాసి కార్మికులు, మత్స్యకారులు మొదలైన అన్ని వర్గాల కార్మికులు నమోదు చేసుకొనే పద్ధతి అమలుచేయాలి. పెన్షన్‌తో సహా సమగ్ర సామాజిక భద్రతలను సులభతరం చేయాలి.
17. భవన నిర్మాణ కార్మికులకు ఈఎస్ఐ కవరేజీని ఇవ్వాలి, సంక్షేమ నిధి సహకారంతో, ఆరోగ్య పథకాలు, ప్రసూతి ప్రయోజనాలు, జీవన- వైకల్య భీమాను ఇ-శ్రామ్ పోర్టల్‌లో నమోదు చేసుకున్న కార్మికులందరికీ ఇవ్వాలి.
18. స్థానిక కార్మికులకు, ఇంటి వద్ద పనిచేసే కార్మికులకు సంబంధించిన అంతర్జాతీయ కార్మిక సంస్థ ఒప్పందాలను ఆమోదించి, తగిన చట్టాలను రూపొందించాలి. వలస కార్మికులపై సమగ్ర విధానాన్ని రూపొందించి, వారి సామాజిక భద్రత నిధి పంపిణీని సులభతరం చేసే ప్రస్తుతమున్న అంతర్రాష్ట్ర వలస కార్మికుల (ఉపాధి నియంత్రణ) చట్టం-1979ను బలోపేతం చేయాలి.
19. ఎన్‌పిఎస్‌ను (ఓల్డ్ పెన్షన్ స్కీమ్) రద్దు చేసి, ఒపిఎస్‌ను (ఓల్డ్ పెన్షన్ స్కీమ్) పునరుద్ధరించాలి. అందరికీ సామాజిక భద్రతను అందించాలి. కనీస పింఛను 10000 రూపాయలు చేయాలి.
20. ధనవంతులకు పన్ను విధించాలి; కార్పొరేట్ పన్నును పెంచాలి; సంపద పన్ను, వారసత్వ పన్నును తిరిగి ప్రవేశపెట్టాలి.
21. హిట్ అండ్ రన్ నిబంధనలతో సహా భారతీయ న్యాయ సంహిత లోని యొక్క కఠినమైన నిబంధనలను ఉపసంహరించుకోవాలి.
తెలుగు: ఉదయిని
