ఆదిమ పూల వాసన

నేల ఒరిగిన ఓ శిరస్సు 
దాని పెదవులపై కత్తిరించబడ్డ చిరునవ్వు  
కనులలో ఒలికి గడ్డకట్టిన రక్త చారిక 

గాయపడ్డ గొంతులోంచి ఓ పాట 
ఈ నదీ పాయ గుండా ప్రవహిస్తూ  
నీలోంచి ఉబికి వస్తూంది 

నువ్విదిల్చినా వదలని ఆ  
చిరునవ్వు నీలోకి ఇంకుతూ ఇగురుతూ 
నిన్ను అనామధేయుణ్ణి చేస్తూంది 

తొలి దారుల ఆదిమ పూల  
బాలింతరపు వాసనతో 
చుట్టూ పరివ్యాప్తమవుతూ 
మరల కార్యోన్ముఖుణ్ణి చేస్తూంది!!