త్యాగాల కల్పవల్లి

నువ్వు పుట్టి పురుడోసుకున్నవో లేదో కానీ 
ఏ అవ్వ బొడ్డు పేగు కోసి పేరు పెట్టిందో 
నీవు నిజంగానే పేదల ఇంటి గుమ్మాల 
రంగవల్లి వయ్యి నిలిచావు..!

ఏ అసుర సంధ్యా తీరానా 
నువ్వు అడుగులు నేర్చావో కానీ 
అవి ఆకలి కడుపుల అన్నార్థుల జాడలు 
వెతక పయనమయ్యాయి


ఏ ఇంటి కడుపు పంటవయి పండావో కానీ 
కడుకు జనలను సోపతయ్యావు 
పల్లెలో అక్షరాలు దిద్దిన నీ చేతి మునివేళ్ళు 
పట్టణం బాటలో పయనించి విశ్వవిద్యాలయాలో 
మొగ్గతొడిగిన పొలిటికల్ కమీసార్ వయ్యావు 


బిగి పిడికిలి జెండా పిలుపులో  నువ్వు సాగిన 
ఆ కల్లోల ప్రాంతపు అరాచకాలను చూసి 
చలించిన నీ మనస్సు 
బాల్య వివాహాలను వ్యతిరేకించిన దృశ్యం 
నేటి భారతంలో ఇంకా కొనసాగుతూనే ఉన్నది కదా 


ఏ ఇందూరు పోరు సమరమో కానీ 
అది కత్తుల వంతెనల మీద నడిచి
గుంటూరు పల్నాడుకు చేరిందో 
దివిసీమ ప్రజల కన్నీళ్లు తుడిచేయ్యగా 
ములుగులో నేల రాలి ఉదయించిన 
తొలి పొద్దు వర్ణమో ఆమె 
ఈ ధరణిలో విరబూసిన 
త్యాగాల కల్పవల్లి 
కామ్రేడ్ రంగవల్లి…!


(కామ్రేడ్ రంగవల్లి పాతికేండ్ల అమరత్వానికి పబ్బతి పడుతూ…)