శ్రీ మోహన్ భగవత్ గారికి, శ్రీ దత్తాత్రేయ హోసబలే గారికి,
ఈ ఆగస్టు 9న, ఎన్ఏపీఎంకు చెందినఆల్ ఇండియా ఫెమినిస్ట్ అలయన్స్ (ఏఎల్ఐఎఫ్ఏ)సభ్యులమైన మేము చారిత్రాత్మకక్విట్ ఇండియా ఉద్యమాన్నిస్మరించుకుంటున్నాము. లక్షలాది సామాన్య భారతీయులు నియంతృత్వ పాలనను సమష్టిగా తిరస్కరించి, తమభిన్నాభిప్రాయాన్ని వ్యక్తం చేసే హక్కునుచాటిచెప్పిన చారిత్రాత్మక సందర్భమది.ఇదే రోజున మేము ఈ లేఖను రాస్తున్నాం. ఎందుకంటే ప్రజాస్వామ్యం అంటే కేవలం వలస పాలన నుంచి విముక్తి మాత్రమే కాదు; తమ అభిప్రాయాలను స్వేచ్ఛగా వ్యక్తం చేసే పౌరులను—అందులో యువతను కూడా—నిశ్శబ్దం చేయడానికి ప్రయత్నించేద్వేషపూరిత, హింసాత్మక భాష నుంచి కూడా విముక్తిఉండాలి.
దేశవ్యాప్తంగా ప్రజాస్వామ్య ఉద్యమాల్లో భాగస్వాములైన మహిళలు, ట్రాన్స్జెండర్ వ్యక్తులు, నాన్-బైనరీ వ్యక్తులను ఒకే వేదికపైకి తీసుకువచ్చే సంస్థగా, టి.జి. మోహన్దాస్గురించి మేము మీకు ఈ లేఖ రాస్తున్నాం. ఎందుకంటే మీసంస్థ ఆయనకు శిక్షణను ఇచ్చితీర్చిదిద్దింది కాబట్టి.
గత నెలలో మన దేశంలోని విద్యార్థులు, యువత, మహిళలపై టి.జి. మోహన్దాస్ చేసిన అత్యంత అభ్యంతరకరమైన, అసహ్యకరమైన, హింసను ప్రేరేపించే బహిరంగ వ్యాఖ్యలపై, కేవలం “ఆ వ్యాఖ్యలతో తమకు సంబంధం లేదని” దూరం పెట్టుకోవడం మాత్రమే కాకుండా, నిజమైన జవాబుదారీతనాన్ని సూచించే చర్యలు తీసుకునే స్థాయికి ఆర్ఎస్ఎస్ ముందుకు వస్తుందా లేదా అన్నది మేము తెలుసుకోవాలనుకుంటున్నాం.
కెమెరా ముందు టి.జి. మోహన్దాస్ చేసిన వ్యాఖ్యలు:
మీకు తెలిసిందే, 2026 జూలై 24 నుంచి 26 మధ్య…
మీకు బాగా తెలిసిన విషయమే.2026 జూలై 24 నుంచి 26 వరకు టి.జి. మోహన్దాస్ తన యూట్యూబ్ ఛానల్ ‘పత్రిక’ లో వరుసగా కొన్ని వీడియోలను ప్రచురించారు.జూలై 26న విడుదల చేసిన వీడియోలో, ఢిల్లీలోని జంతర్ మంతర్ వద్ద అప్పట్లో నిరసన చేస్తున్న విద్యార్థుల విషయంలో, తాను‘అధికారంలో ఉంటే’ఏం చేస్తానో ఆయన దశలవారీగా వివరించారు.
ఆయన మాటల్లో:
నేనైతే“జంతర్ మంతర్ చుట్టూ సుమారు 4 చదరపు కిలోమీటర్ల పరిధిలో కర్ఫ్యూ విధిస్తాను. లౌడ్స్పీకర్ల ద్వారా అక్కడి గుంపును చెదరిపోవాలని ప్రకటిస్తాను. ఆ ప్రకటనను మూడుసార్లు చేస్తాను. ఆ తర్వాత కాల్పులు జరుపుతాను. ప్రజలు భయంతో పరుగులు తీస్తూ చెదరిపోతారు. కొందరు చనిపోతారు, కొందరు ప్రాణాలతో బయటపడతారు, మరికొందరు శాశ్వతంగా అంగవైకల్యానికి గురవుతారు. సుమారు నాలుగు గంటల్లో పరిస్థితి అదుపులోకి వస్తుంది. మృతదేహాలను సేకరించి ఆసుపత్రులకు తరలిస్తారు… ఇదొక పరిష్కారం. చాలా సులభం.”
విద్యార్థుల్లో ఉన్న మహిళల గురించి ఆయన ఇలా వ్యాఖ్యానించారు:
“అత్యాచారాలు జరుగుతాయి… సామూహిక అత్యాచారాలు జరుగుతాయి… అత్యాచారాన్ని ఇష్టపడే అమ్మాయిలు ఉన్నారు… ముఖ్యంగా వామపక్ష, లౌకికవాద, ప్రజాస్వామ్య, శ్రామిక వర్గాలకు చెందిన కొందరు అత్యాచారాలను ఇష్టపడతారు… సామూహిక అత్యాచారాలు జరిగినప్పుడు ఎలాంటి ఫిర్యాదులు ఉండవు, ఎందుకంటే వీరే అత్యాచారాన్ని ఇష్టపడే వ్యక్తులు.”
(అసలు వీడియోలో ఇలాంటి మరిన్ని తీవ్రంగా అభ్యంతరకరమైన వ్యాఖ్యలు ఉన్నట్లు మాకు సమాచారం అందింది.)
ఈ ఉల్లేఖనాలు ఆయన చేసిన మలయాళ వ్యాఖ్యలకు సంబంధించిన ఆంగ్ల అనువాదాలు. వీటిని 2026 జూలై 27నది సౌత్ ఫస్ట్, ది న్యూస్ మినిట్ ప్రచురించాయి. మేము ఈ లేఖ రాస్తున్న సమయానికి కూడా ఆ వీడియోలు ఆన్లైన్లో అందుబాటులోనే ఉన్నాయి.
మోహన్దాస్ తాను ఈ మాటలు మాట్లాడలేదని ఖండించలేదు. ఆయన వాటిని **‘వ్యంగ్యం’ (సెటైర్)**గా అభివర్ణిస్తూ, 31 నిమిషాల నిడివి ఉన్న వీడియో నుంచి కేవలంనిమిషన్నర భాగాన్ని మాత్రమే కత్తిరించిప్రచారం చేశారని ఆరోపిస్తున్నారు.
మేము పూర్తి వ్యాఖ్యలను కూడా పరిశీలించాము.వీడియో నిడివి ఎంత ఉన్నా, ఆ వ్యాఖ్యల తీవ్రతను అది మార్చదు. “మృతదేహాలను సేకరించి తరలిస్తారు” అనే స్థాయికి చేరుకోవడానికి ఒక వ్యక్తి 31 నిమిషాల సమయం తీసుకున్నాడంటే, ఆ మాటలను ఆలోచించడానికి, వాటి గురించి ఆలోచించి మాట్లాడడానికి ఆయనకు తగినంత సమయం ఉన్నట్టే.
ఈ సందర్భంలో ప్రస్తావిస్తున్న వ్యక్తిని నాలుగు దశాబ్దాలుగా ఆర్ఎస్ఎస్ తీర్చిదిద్దింది.
మోహన్దాస్తో, ఆయన చేసిన వ్యాఖ్యలతో తమకు సంబంధం లేదని బీజేపీ కేరళ విభాగం ప్రకటించింది. అయితే, ఆయన గతంలో కేరళలోని బీజేపీ‘ఇంటెలెక్చువల్ సెల్’ రాష్ట్ర కన్వీనర్గా, అలాగే పార్టీ టెలివిజన్ ప్రతినిధిగా పని చేశారు.అంతేకాకుండా, పి. పరమేశ్వరన్ ఆధ్వర్యంలో కేరళలో సంఘ్ నిర్మించిన‘భారతీయ విచార కేంద్రం’అనే ఆలోచనా వేదికకు ఆయన మొదటప్రధాన కార్యదర్శిగా, అనంతరం ఉపాధ్యక్షుడిగా వ్యవహరించారు. ఆయన అయోధ్య ప్రింటర్స్సంస్థను, కొంతకాలం జన్మభూమిపత్రికను కూడా నిర్వహించారు. నలభై సంవత్సరాలుగా ఆర్ఎస్ఎస్ ఈ వ్యక్తిని తీర్చిదిద్దింది; అనేక వేదికలను ఆయనకు అందించింది.ఇవన్నీ అధికారిక రికార్డుల్లో నమోదైన వాస్తవాలే.
ప్రస్తుతం ఆయన ఆర్ఎస్ఎస్లో ఎలాంటి‘అధికారిక పదవి’లోలేకపోయినా, ఆయన చేసిన హింసాత్మక, దూకుడైన, అత్యంత అభ్యంతరకరమైన వ్యాఖ్యలు, దానికితీసుకోవలసినచర్యల విషయంలోసంస్థాగత బాధ్యత నుంచి ఆర్ఎస్ఎస్ తప్పించుకోలేదని మేము స్పష్టం చేస్తున్నాము.
“ప్రాధాన్యంఉంది అనుకుంటే” సంఘ్కి ఎలా వ్యవహరించాలో తెలుసు. సంఘ్ ‘జోక్యం చేసుకోదు’, వ్యక్తులు వ్యక్తిగతంగా తమ అభిప్రాయాలను మాత్రమే వ్యక్తం చేస్తారని మనకు తరచూ చెబుతుంటారు.కానీ దేశం చూసిన వాస్తవాలు అందుకు భిన్నంగా ఉన్నాయి.2022 జూన్ 5న, ఇస్లామోఫోబిక్ వ్యాఖ్యలకు సంబంధించి ఖతార్, కువైట్, ఇరాన్, అలాగే “ఆర్గనైజేషన్ ఆఫ్ ఇస్లామిక్ కోఆపరేషన్ (OIC)”కు చెందిన పలు దేశాలు దౌత్యపరమైన నిరసనలు వ్యక్తం చేసిన ఒక్క రోజులోనే, బీజేపీ తన జాతీయ అధికార ప్రతినిధినూపుర్ శర్మను ఆరు సంవత్సరాల పాటు సస్పెండ్ చేసింది. అలాగే ఢిల్లీ మీడియా విభాగం అధిపతినవీన్ కుమార్ జిందాల్ను పార్టీ నుంచి బహిష్కరించింది.ఆ రోజు విడుదల చేసిన పార్టీ ప్రకటనలో, తాము“ఇలాంటి వ్యక్తులను లేదా ఇలాంటి భావజాలాన్ని ప్రోత్సహించము”అని పేర్కొంది.అంటే, చర్య తీసుకునే వ్యవస్థ ఉంది.చర్య తీసుకోవడం రాజకీయంగా అవసరమని భావించినప్పుడు ఆ వ్యవస్థ కొన్ని గంటల్లోనే కదిలింది. ఈ సందర్భంలో చమురు, సహజవాయువు సరఫరా చేసే దేశాలతో ఉన్న సంబంధాలు కూడా ఒక ముఖ్యమైన అంశంగా నిలిచాయి.
ఇప్పుడు ఈ దేశ భవిష్యత్తు ఆధారపడినవిద్యా వ్యవస్థను సమూలంగా సంస్కరించాలనే డిమాండ్తో పోరాడుతున్న విద్యార్థులు, యువత, మహిళలు కూడా అంతే ప్రాధాన్యమైనవారేనా?అన్నది తెలుసుకోవడానికి ఎదురుచూస్తున్నారు.
మీ స్వంత మాటలను గుర్తుచేసుకోండి
ఈ ఏడాది మీ సంస్థ తనశతాబ్ది ప్రస్థానంలోకిఅడుగుపెట్టింది. మహిళలను **‘మాతృశక్తి’**గా అభివర్ణించింది. 2024 విజయదశమి సందర్భంగా, ఆర్.జి. కర్ ఆసుపత్రిలో యువ వైద్యురాలిపై జరిగిన అత్యాచారం, హత్యను సర్సంఘ్చాలక్ ఖండించారు. అలాగే, మీ శతాబ్ది ప్రచురణల్లో‘శీలం, వ్యక్తిత్వ నిర్మాణం’ఆధారంగా ఒక ‘క్రమశిక్షణ కలిగిన సమాజాన్ని’నిర్మిస్తామని పేర్కొన్నారు.అదే సమయంలో2013 జనవరిలో సిల్చార్లోజరిగిన సంఘటనను కూడా మేము గుర్తుచేసుకుంటున్నాం. ఢిల్లీలో ఒక యువతి తీవ్ర గాయాలతో మరణించిన కొద్ది రోజులకే, ఇదే సర్సంఘ్చాలక్ దేశాన్ని ఉద్దేశించి, ఇలాంటి నేరాలు“ఇండియా”లో జరుగుతాయి కానీ “భారత్”లో దాదాపుగా జరగవుఅని వ్యాఖ్యానించారు.ఇప్పుడు మోహన్దాస్ అవేఆలోచనలనుఅత్యంత దారుణమైన రూపంలో ముందుకు తీసుకెళ్లినట్లుగాఉంది. ఆయన దృష్టిలో జంతర్ మంతర్ వద్ద ఉన్న మహిళలు“ఇండియా”కు చెందినవారు, వామపక్షులు, లౌకికవాదులు, బహుజనులు; అందువల్ల వారి శరీరాలకు ఏం జరిగినాఎలాంటి ఫిర్యాదు ఉండదుఎలాంటి చర్య తీసుకోవాల్సిన అవసరం ఉండదు.
ఆయన ఈ మాటలు చెప్పింది కేరళలో—అదీ మరెక్కడో కాదు; సుమారు 1813 నుంచి 1859 వరకు అర్ధ శతాబ్దం పాటు తమ శరీరాలను తామే కప్పుకునే హక్కు కోసం పోరాడి, చివరకు ఆ హక్కును సాధించిన చన్నార్ మహిళల నేలలో. 1936 నాటి ఆలయ ప్రవేశ ప్రకటన దేవుడిపై ఒక వర్గం గుత్తాధిపత్యానికి తెరదించిన నేలలో. 1959లో అన్నా చాండీ హైకోర్టు న్యాయమూర్తిగా బాధ్యతలు స్వీకరించారు. 1989లో పండలం ప్రాంతానికి చెందిన ఫాతిమా బీవీ భారత సుప్రీంకోర్టు న్యాయమూర్తిగా ఎదిగి, దేశంలోనే తొలి మహిళా సుప్రీంకోర్టు న్యాయమూర్తిగా చరిత్ర సృష్టించారు. 2011 జనాభా లెక్కల ప్రకారం కేరళలో మహిళల అక్షరాస్యత 91.98 శాతంగా ఉంది—దేశంలోనే అత్యధికం. అంతేకాక, కుటుంబశ్రీ ద్వారా నలభై లక్షలకు పైగా మహిళలు సంఘటిత ప్రజాజీవితంలోకి అడుగుపెట్టారు.శ్రీ మోహన్దాస్ వంటి భావజాలం కలిగిన పురుషుల నుంచి ‘స్త్రీల మర్యాద’, ‘శీలం’ గురించి కేరళ మహిళలు శతాబ్ద కాలంగా ఎన్నో ఉపదేశాలు విన్నారు. కానీ వారు వాటిని ప్రతిఘటించారు; ఎదిరించారు; తమ హక్కుల కోసం పోరాడారు; చివరకు సమాజంలో ఉన్నత స్థానాలకు ఎదిగారు.
టి.జి. మోహన్దాస్ వర్ణించిన ఆ మహిళలు ఎవరో ఒకసారి ఆలోచించండి:
జూన్ 6 నుంచి యాభై రోజుల పాటు జంతర్ మంతర్ వద్ద విద్యార్థులునిరసనగాకూర్చున్నారు. ఇరవై లక్షల మంది అభ్యర్థులు రాసిన వైద్య ప్రవేశ పరీక్షను లీకైన ప్రశ్నపత్రం కారణంగా రద్దు చేయాల్సి వచ్చింది. ఆ నిరసన స్థలాన్ని మహిళలు రాత్రింబవళ్లు కాపాడారు. ఆ ధర్నా గురించి వచ్చిన వార్తా కథనాల్లో రాత్రిపూట మహిళలు, పురుషులు కలిసి నిర్వహించిన షిఫ్టుల గురించి ప్రస్తావించారు; ఒక్క వేధింపుల ఫిర్యాదు కూడా నమోదు కాలేదు.ఇక్కడ హింస ఒక్క వైపు నుంచే వచ్చింది. జూలై 20న విద్యార్థుల ర్యాలీని పోలీసులు లాఠీలు, టియర్ గ్యాస్, పెల్లెట్లతో ఎదుర్కొన్నారు. ఢిల్లీలోని ఆసుపత్రి రికార్డుల్లో డజన్ల కొద్దీ గాయపడిన నిరసనకారులు నమోదయ్యారు. జూలై 25న కేంద్ర విద్యాశాఖ మంత్రి రాజీనామా చేశారు. ఏడు వారాలపాటు సాగిన ఈ నిరసనల్లో విద్యార్థులు ఒక్క రాయి కూడా విసిరినట్లు ఎక్కడా నమోదు కాలేదు.వేలాది మంది విద్యార్థులు, యువత ఇప్పటికే విజయం సాధించిన తర్వాత ఈ ‘కాల్పుల ఊహాచిత్రం’, అలాగే మహిళలను కించపరిచే వ్యాఖ్యలు వెలువడుతాయి. అప్పటికి ప్రజా శాంతి, శాంతిభద్రతలను ‘రక్షించాల్సిన’ అవసరమే లేదు. ఇకమిగిలింది కేవలం యువతపై, ముఖ్యంగాఅహింస, సంకల్పంతో మార్పు సాధించవచ్చని దేశానికి చూపించిన యువతులపై చూపిన అవహేళన మాత్రమే.
లింగ న్యాయం, రాజ్యాంగ విలువలు, ప్రజాస్వామ్య హక్కులకు కట్టుబడి ఉన్న ఒక వేదికగా, శ్రీ టి.జి. మోహన్దాస్ చేసిన ఈ అభ్యంతరకరమైన, ప్రాణహాని కలిగించే వ్యాఖ్యలకు పూర్తి బాధ్యత వహించేలా ఆయనను జవాబుదారిగా నిలపాలని మేము భావిస్తున్నాము. అలాగే ఆర్ఎస్ఎస్, బీజేపీలు కూడా తమ సంస్థాగత బాధ్యత నుంచి తప్పించుకోకూడదని మేము స్పష్టం చేస్తున్నాము.
మా డిమాండ్లు:
2026 ఆగస్టు 14లోపు చర్యలు తీసుకోవాలని కోరుతూ మేము మీ ముందుకు నాలుగు డిమాండ్లను ఉంచుతున్నాము:
1.టి.జి. మోహన్దాస్ చేసిన వ్యాఖ్యలను పేరుతో సహాఆర్ఎస్ఎస్, బీజేపీలు లిఖితపూర్వకంగా, బహిరంగంగా ఖండించాలి.అలాగే సంఘ్ పరివార్కు చెందిన సంస్థలు, ప్రచురణలు ఆయనకు ఇంకా అందిస్తున్న ప్రతి వేదిక, గౌరవప్రదమైన ఆతిథ్యం లేదా మర్యాదపూర్వక సంబంధాన్నితక్షణమే, పూర్తిగా తెంచుకోవాలి.
2.ఏ ప్రభుత్వానికైనా—అది ఏ రాజకీయ పార్టీకి చెందినదైనా—వ్యతిరేకంగా నిరసన తెలిపేమహిళలు, యువత, పౌరులు తమ గౌరవం, స్వతంత్ర నిర్ణయాధికారం, రాజ్యాంగబద్ధమైన హక్కులకు అర్హులని సర్సంఘ్చాలక్ కార్యాలయం స్పష్టంగా గుర్తించాలి; వారి రాజకీయ సిద్ధాంతం లేదా భావజాలం ఏదైనా సరే.
3.టి.జి. మోహన్దాస్పై కొనసాగుతున్న చట్టపరమైన, క్రిమినల్ ప్రక్రియకు అడ్డంకులు కల్పించకుండా, చురుకైన సహకారం అందించాలి.ఎస్ఎఫ్ఐ, ఏఐవైఎఫ్, ఏఐఎస్ఎఫ్లు చేసిన ఫిర్యాదులు కేరళ పోలీసుల వద్ద ఉన్నాయి. వారి సైబర్ సెల్ ఇప్పటికే ఎఫ్ఐఆర్ నమోదు చేసి, ఈ విషయంపై దర్యాప్తు చేస్తోంది.తెహసీన్ పూనావాలా (2018) కేసులో సుప్రీంకోర్టు ఇచ్చిన ఆదేశాల ప్రకారం, ఫిర్యాదుదారుల కోసం వేచి చూడకుండా ద్వేషపూరిత ప్రసంగాలకు సంబంధించిన కేసులను నమోదు చేయాలి. పైనవివరించిన ప్రవర్తన ప్రాథమికంగాభారతీయ న్యాయ సంహిత, 2023లోని సెక్షన్లు 196, 353, 79, 351పరిధిలోకి వస్తుంది.అమిష్ దేవ్గన్ వర్సెస్ యూనియన్ ఆఫ్ ఇండియా (2020)కేసులో, ప్రసంగకర్తకు ఉన్న ప్రజాదరణ/చేరువ, అలాగే ప్రసంగం చేసిన సందర్భం వంటి అంశాలు ఇలాంటి వ్యాఖ్యల తీవ్రతను మరింత పెంచుతాయని సుప్రీంకోర్టు స్పష్టం చేసింది.లక్షలాది మంది అనుచరులను కలిగి ఉండటం కూడా ఈ సందర్భంలో తీవ్రతను పెంచే అంశమే.‘వ్యంగ్యం’ అనేది ప్రజలను రెచ్చగొట్టే ప్రసంగానికి చట్టపరంగా ఆమోదయోగ్యమైన రక్షణ కాదు.
4. తొలగింపుతో పాటు ఆధారాల పరిరక్షణ:సంబంధిత వీడియోలను ప్రజలకు అందుబాటులో ఉన్న ప్రసారం నుంచితక్షణమే తొలగించాలి.అయితే దర్యాప్తు కోసం వాటి ధృవీకృత ప్రతులను భద్రపరచాలి.
ఈ ఆగస్టు 15 కూడా మౌనంగానే గడిచిపోతే, ఆ మౌనాన్ని మేము ఒక సమాధానంగానే భావిస్తాము. కేరళలోనూ, దేశవ్యాప్తంగా కూడా మేము దానిని ఈ మాటల్లోనే చెబుతాము:విద్యార్థులను కాల్చివేయాలని పిలుపునిచ్చిన, కొంతమంది మహిళలకు అత్యాచారం నచ్చుతుందని వ్యాఖ్యానించిన తన ‘పరివార్’ సభ్యుడికి రాష్ట్రీయ స్వయంసేవక్ సంఘ్ అండగా నిలుస్తుందా అని బహిరంగంగా ప్రశ్నించినప్పుడు, ఆర్ఎస్ఎస్ సమాధానం ఇవ్వకూడదని, చర్య తీసుకోకూడదని, బాధ్యతను నిర్ధారించకూడదని ఎంచుకుంది. మౌనం అంటే పరోక్ష సమ్మతే.
రాజకీయ భావజాలంపై మీరు మాతో ఏకీభవించాలని మేము ఏమాత్రం ఆశించడం లేదు. మేము రాస్తున్నది ఎందుకంటే ఈ దేశంలో ప్రతి భావజాలం కంటే ముందే ఒక నైతిక, రాజ్యాంగబద్ధమైన హద్దు ఉంది.టి.జి. మోహన్దాస్ కెమెరా ముందు ఆ హద్దును దాటారు.మా సభ్యులు గతంలో కూడా ఇతర సమూహాల్లో, వారిలాఠీలను ఎదుర్కొంటూ నిలబడ్డారు. జంతర్ మంతర్ వద్ద శాంతియుతంగా కూర్చున్న విద్యార్థులలో కొందరు మా సభ్యుల పిల్లలు; వారిలో కొందరికి మేము తల్లులు, తోబుట్టువులు, సహచరులం.మీ సంస్థ ‘శతాబ్ది సంవత్సరం’ గురించి, భారతదేశంలోని ధైర్యవంతులైన యువతుల శరీరాలపై హింసను సమర్థించిన, భారతీయ విద్యార్థులపై హింసకు బహిరంగంగా పిలుపునిచ్చిన వ్యక్తిపై మీరు పూర్తి బాధ్యతను నిర్ధారించి, తగిన చర్యలు తీసుకున్నారా లేదాఅనేదిచరిత్రనమోదుచేసుకుంటుంది; మీరు చేయగలిగినప్పుడు, చేయవలసినప్పుడు, మీ అధికారాన్ని బాధ్యతాయుతంగా వినియోగించారా లేదాఅన్నది కూడా అందులో నమోదు అవుతుంది.
చర్య తీసుకోవడానికి మీకు వారం రోజుల సమయం ఉంది.
ఈ చారిత్రాత్మకక్విట్ ఇండియా దినోత్సవంసందర్భంగా, మరో ముఖ్యమైన స్వాతంత్ర్య దినోత్సవం వైపు మనం అడుగులు వేస్తున్న ఈ సమయంలో, డాక్టర్ బి.ఆర్. అంబేద్కర్, మహాత్మా గాంధీ, భగత్సింగ్ల నేలలో—మా భిన్నాభిప్రాయాన్ని వ్యక్తం చేయడం, ప్రశ్నించడం, శాంతియుతంగా ప్రతిఘటించడం వంటి హక్కులను మేము ఎన్నటికీ వదులుకోమని గర్వంగా ప్రకటిస్తున్నాము.
జారీచేసినవారు:ఆల్-ఇండియా ఫెమినిస్ట్ అలయన్స్ (ఏఎల్ఐఎఫ్ఏ)
ప్రతిలిపి పంపవలసిన వారు:
1. భారతీయ జనతా పార్టీ జాతీయ అధ్యక్షులు
2. భారతీయ జనతా పార్టీ, కేరళ రాష్ట్ర అధ్యక్షులు
3. కేరళ రాష్ట్ర ముఖ్యమంత్రి
4. కేరళ రాష్ట్ర హోంమంత్రి
5. జాతీయ మహిళా కమిషన్ చైర్పర్సన్
6. కేరళ మహిళా కమిషన్ చైర్పర్సన్
