వర్ధిల్లు పాలస్తీనా వర్ధిల్లు !
శాంతికోసం యుద్ధమై వర్ధిల్లు
ఐ. రా. స. శాంతిచిహ్నం ఒకచేత
“ఇంతిఫదా " సంకేతం
తుపాకీని మరొక చేత పట్టి
గాజాలో స్వేచ్ఛగా ఉండటానికి
నీ పసిమొగ్గల భవిష్యత్ కోసం
రక్తసిక్త అన్వేషణల మధ్య
సహచరుల త్యాగాల మధ్య
అగ్రరాజ్యాల కుట్రల మధ్య
దురాక్రమణదారుల మధ్య
పశ్చిమాసియా చిచ్చర పిడుగై
నీ జాతి కోసం
నీ నేల కోసం
సాగించు యుద్ధాన్ని
తుదివిముక్తి దాక
వర్ధిల్లు పాలస్తీనా వర్ధిల్లు!
నీ నెత్తుటినేలలో
శాంతిని పండించు
పాలస్తీనా!
నువ్విప్పుడు ఒంటరికాదు
నీపక్కన ఒమర్ ముక్తార్ స్ఫూర్తి ఉంది
అరాఫత్ త్యాగం నీతోడుంది
నువ్విప్పుడు పీడితదేశాల వేగుచుక్కవు
వర్ధిల్లు పాలస్తీనా వర్ధిల్లు!
Related
