“వద్దు, వద్దు, మనం వర్షంలో తడవ కూడదు. అందుకే ఆ చెట్టు దగ్గరకు వెళదాం. అమ్మా పరిగెత్తు తొందరగా” అని అలేఖిని పరిగెత్తే లోపలే వర్షం చుక్కలు కనికరం లేకుండా ఆమె మీద పడ్డాయి.
కొన్ని నిమిషాల ఫోటో షూట్ తర్వాత, ఫోటోలు ఆమెకు సంతృప్తికరంగా ఉన్నాయో లేదో చూసుకుంది. తల్లి కూతుళ్లు ఇద్దరూ స్థలాలను మార్చుకున్నారు. చివరగా, కొన్ని సెల్ఫీల తర్వాత, వారు సమీపంలోని షెల్టర్‌కి పరుగెత్తారు.
వారు ఉత్సాహంగా ముసిముసిగా నవ్వుతూ, మంచి వాటిని ఎంచుకోవడానికి కష్ట పడ్డారు. క్లిక్ చేసిన ఫోటోలను సెలెక్ట్ చేశారు. ఎంచుకున్న వాటిని సరైన ఫిల్టర్‌, లైటింగ్, కాంట్రాస్ట్ మొదలైన వాటితో ఎడిట్ చేశారు.
“మొదటి వర్షాలను ఆస్వాదించడం”,
“వర్షపు వినోదం” మొదలైన క్యాప్షన్‌లతో వారి ఇన్‌స్టాగ్రామ్ లో వాటిని పోస్ట్ చేసారు.
వారు తమ ఫోటోలను పోస్ట్ చేసిన నిమిషంలో, లైకుల వరద ఉప్పొంగ్గింది. అదే వర్షంలో కలిసి షికారు చేస్తూ, చిరునవ్వులు రివ్వుతూ ఆ లైక్‌లు, వ్యాఖ్యల నోటిఫికేషన్‌లను స్వీకరించడం ప్రారంభించారు. అలా ఫోన్‌లో మునిగిపోయి ఎదురుగా వెళ్తున్న వృద్ధుడిని ఢీకొట్టారు. అతని కోపం చూపులను పట్టించుకోకుండా వారు అతనిని దాటి వెళ్ళారు.
“క్రోధస్వభావపు ముసలివాడు” అలేఖిని గుసగుసలాడింది. ఇద్దరూ నవ్వుకున్నారు.
అలేఖిని ఇంటికి చేరుకోవడానికి, పొడి బట్టలు మార్చుకోవడానికి తొందర పడుతోంది. ఆమె తన గదిలోకి పరుగెత్తుతున్నప్పుడు, ఆమె తల్లి సంధ్య
” గొడుగు పట్టుకున్నప్పటికీ, ఎలా తడిసిపోయావ్” అని అడిగింది.
“నేను ఇంకా చిన్న పిల్లను కాదమ్మా ” అలేఖిని తన గది తలుపులు వేసేలోపు తన తల్లిని గుర్రుగా చూసింది.
పొడి బట్టలు వేసుకుని బయటికి వచ్చింది.
“అమ్మా, నాకు ఆకలిగా ఉంది” అని అరిచింది.
టేబుల్‌పై ఉన్న ఉప్మాను చూసి, అలేఖిని నీరస పడి పోయింది
“నాకు ఉప్మా అంటే ఇష్టం లేదని నీకు తెలుసు. ఇంట్లో ఇంకేమీ లేదా ఏమిటి? ” అలేఖిని గట్టిగా అడిగింది.
ఆమె తల్లి మౌనంగా ప్లేటు తీసింది. ఆమె కొన్ని ఇన్‌స్టంట్ వెజిటబుల్ శాండ్‌విచ్‌లను తయారు చేసి టేబుల్‌పై ఉంచింది. ఆ శాండ్‌విచ్‌లు తింటుంటే, అలేఖిని బద్ధకంగా తన ఇన్‌స్టాగ్రామ్ పేజీని బ్రౌజ్ చేసింది. ఆమె స్నేహితులు వారి తల్లులు కలిసి వున్న వరుస పోస్ట్‌లను చూసినప్పుడు ఆమెకు అకస్మాత్తుగా ప్రాణం లేచి వచ్చింది.
“ఓహ్! షిట్. నేను పూర్తిగా మర్చిపోయాను” అని దూకుతూ వంటగదిలోకి పరుగెత్తింది.
“హ్యాపీ మదర్స్ డే మమ్మీ.” అమ్మను గట్టిగా వాటేసుకుంటూ చెప్పింది.
“ధన్యవాదాలు, లేఖ.” సంధ్య తన కూతురిని చూసి నవ్వుతూ సమాధానం చెప్పింది.
నిజానికి, తన కుమార్తె ఇంతకుముందు ఆమెను విష్ చేయలేదని ఆమె కొంచెం నిరాశకు గురైంది. ఇప్పుడు ఆమె చేసింది, అందుకే ఆమె నవ్వింది.
“ఆగండి మమ్మీ. మనమే ఒక చక్కని ఫోటోను తీసుకుందాం” అలేఖిని తన తల్లితో కొన్ని సెల్ఫీలు తీసుకుంటూ చెప్పింది.
ఆమె తన తల్లిని కౌగిలించుకున్న ఒక ప్రత్యేకమైన ఫోటోను ఇష్టపడింది. ఆమె దానిని తన పేజీలో “హ్యాపీ మదర్స్ డే మామ్” అనే వ్యాఖ్యతో పోస్ట్ చేసింది.
ఆమె తల్లి వంటగదిలో తన పనికి తిరిగి వెళ్ళింది.
కొన్ని నిమిషాల తర్వాత, సంధ్య స్నేహితురాలు రాధిక వచ్చింది. రాధిక ఒక సాఫ్ట్‌వేర్ సంస్థలో ఆర్టిఫిషియల్ ఇంటెలిజెన్స్ రంగంలో పని చేస్తుంది. అలేఖినికి చదువు మీద ఆసక్తి ఎక్కువ. అందులోను అదే రంగంలో ఫారిన్ లో ఎం ఎస్ చేయాలని తన ఆలోచన. కాబట్టి, రాధికని చాలా ఇష్టపడుతుంది. ఆమె పట్ల గౌరవం చూపిస్తుంది.
సాఫ్ట్ వేర్ ఫీల్డ్‌లోని తాజా పోకడల గురించి రాధికతో సంభాషించడం ఆమెకు నచ్చింది. రాధికకు కూడా అలేఖిని ప్రకాశవంతమైన హుషారుతో నిమగ్నమవ్వడం చాలా సంతోషంగా అనిపించింది.
రాధిక కూతురు నందిని, అలేఖిని కంటే రెండేళ్ళు పెద్దది. నందిని ఇంజినీరింగ్ విభాగంలో పోస్ట్ గ్రాడ్యుయేషన్ కోసం విదేశాల్లోని కొన్ని యూనివర్సిటీలలో దరఖాస్తు చేసుకుంది. ఇలాంటి కలలను కనే అలేఖిని, నందిని చదువు ఎలా సాగుతుందో తెలుసుకోవడానికి చాలా ఆసక్తిని కనబరిచింది.
రెండు నిముషాలు చిన్నగా మాట్లాడిన తర్వాత, రాధిక అలేఖిని ని అడిగింది, “లేఖ, కనీసం ఈరోజైనా మీ అమ్మ కోసం ప్రత్యేకంగా ఏదైనా చేస్తున్నావా లేదా?”
హఠాత్తుగా ఈ ప్రశ్నకు అలేఖిని అవాక్కయింది. ఏం సమాధానం చెప్పాలో తెలియక తడబడుతూ “నిజంగా కాదు ఆంటీ. నేను ఆమెకు శుభాకాంక్షలు తెలిపాను. ఆమె పట్ల నా ప్రేమను ఇన్‌స్టాగ్రామ్‌లో వ్యక్తపరిచాను”.
ఆమె ఆమోదం కోసం తల్లి వైపు చూసింది. ఆ క్షణంలో ఇన్‌స్టాగ్రామ్ ప్రేమ గురించి తెలిసినప్పిటికీ ఆమె తల్లి మౌనంగా తల వూపింది.
రాధిక కొంచెం సేపు మౌనంగా ఉండి, “ఈ రోజు మీ అమ్మకి మంచిగా వండి పెట్టకూడదా అలేఖ? ” అని చెప్పి వంటగదిలోకి వెళ్ళమని చెప్పింది.
దీనికి ఎలా స్పందించాలో అర్థంకాక అలేఖిని పూర్తిగా మౌనం వహించింది. ఎందుకంటే అలేఖనికి వంటగది జైలుతో సమానం.
“నేను చేస్తాలే ” అంటూ సంధ్య వంట గది లోకి వెళ్లింది. ఆమేతో పాటు రాధిక వంట గది లోకి వెళ్లింది.
సగం వంట అయినతర్వాత, వంట గది నుండి తిరిగి వచ్చిన రాధిక మాట్లాడుతూ “నీకు అభ్యంతరం లేకుంటే, నా దగ్గర ఒక సలహా ఉంది లేఖా. నేను సోషల్ మీడియాకు వ్యతిరేకం కానప్పటికీ, వాస్తవమైన, భౌతిక ప్రపంచంలో మనం ఏమి చేస్తున్నామో అదే మనకు ముఖ్యమైనది. వర్చువల్ ప్రపంచం మన నిజ జీవిత అనుభవాన్ని మెరుగుపరుస్తుందా? అది సరియైనదా? మనం ఏమి చేసినా, మనం ప్రశాంతంగా ఊపిరి పీల్చుకోవాలి. హృదయాలు స్పందించాలి. మనస్సు నిజమని ఆలోచించాలి, కాదా?
ఆమె అలేఖినిని గమనించింది. అలేఖిని ఆలోచనల లోకి వెళ్ళింది. రాధిక కొనసాగించింది.
“నందిని, నేను సహజ ప్రపంచ సౌందర్యాన్ని చూడటానికే ఇష్ట పడతాం. నిజ జీవిత స్నేహితులను ఆస్వాదించడానికి కొంతకాలం అన్ని రకాల సోషల్ మీడియా ప్లాట్‌ఫారమ్‌లకు దూరంగా ఉన్నాము. అలాగే, మేము మా ల్యాప్‌టాప్‌లలో పని కోసం, సంబంధిత విషయాలను అధ్యయనం చేయడానికి తగినంత సమయాన్ని వెచ్చిస్తాము. మిగిలిన సమయంలో వాటికి కొంచెం దూరంగా ఉండాలని మేం అనుకున్నాం. నిజమైన ప్రేమ, ఇన్‌స్టాగ్రామ్ ప్రేమకు మధ్య, మనకు తేడా తెలుసా?” రాధిక అడిగింది.
“తల్లీ కూతుళ్ల బంధం ఎంత ముఖ్యమైనదో నాకు తెలుసు. కూతురు పుట్టిన వెంటనే ఆమె తల్లితో బలమైన బంధం ఏర్పడుతుంది. కుమార్తె పెరిగేకొద్దీ, వారి సంబంధం మారుతుంది, కానీ భావాలు అలాగే ఉంటాయి” లేఖ చెప్పింది.
“అంటే, చదువు, కెరీరిజం వల్ల తల్లి పట్ల ఒక యాంత్రిక బంధమే ఉంటుంది. ఇది సహజ స్వభావాన్ని మార్చుకునేలా చేస్తుంది. సంవత్సరాలు గడిచేకొద్దీ, కొన్ని గమ్మత్తైన మలుపులు వస్తాయి. ఇది సాధారణంగా జనరేషన్ గ్యాప్ వల్ల వస్తుంది. తమ కుమార్తెలను రక్షించుకోవడానికి తల్లులు కొన్ని పారామీటర్లను సృష్టిస్తారు. దాంతో కుమార్తెలు తిరుగుబాటు చేస్తారు ” రాధిక చెప్పింది.
” నేను నా తల్లిని పట్టించుకుంటాను. అంటే అది మీరు అనుకునే విధంగా ఉండాలంటే ఎలా? ప్రతి తల్లీ-కూతుళ్ల బంధం ప్రత్యేకమైనది. కాబట్టి, పంచుకునే అనుబంధం ఒకరి నుండి మరొకరికి భిన్నంగా ఉంటుంది. తల్లీ-కూతుళ్ల సంబంధాలు మొదటి నుండే సహజమైన బంధాన్ని కలిగి ఉంటాయి. నేను పెరగడం ప్రారంభించినప్పుడు నాన్నకు దూరమయ్యాను. అది కష్టమైన మార్గాన్ని తీసుకుంది. నాన్న దూరమవడానికి కారణం అమ్మ అని నేను అనడం లేదు. అది ఇద్దరికీ సంభంధించింది. ఇది మా బంధాన్ని హానికరం చేయలేదు. అమ్మకి నా పట్ల కొంత అసంతృప్తి ఉంది.” అలేఖిని మంచినీళ్లు తాగుతూ చెప్పింది.
“చిన్న చిన్న హావభావాలు తల్లీ కూతుళ్ల మధ్య బలమైన బంధాన్ని పెంపొందించడంలో ఎంతగానో దోహదపడతాయి. నీ ప్రేమ, కృతజ్ఞతను చిన్న పదాలు, చర్యల ద్వారా చూపించలేక పోతున్నావు. అదే సమస్య అని నేను అనుకుంటున్నాను” రాధిక అంది.
మధ్యలో సంధ్య కల్పించుకుంది.
” నా జీవితం మాదిరి, దాని జీవితం కాకూడదనే నా బాధ. నా నియంత్రించే ప్రవర్తన సాధారణ తల్లిదండ్రుల శైలి అని తను అనుకుంటుంది. ఇది నా కుమార్తె స్వేచ్ఛను లాగేస్తుందని లేఖిని అంటోంది. దాని కోరికలను, అభిరుచిని తగ్గిస్తుంది. బహుశా ఇదే మా మధ్య ఆరోగ్యకరమైన సంబంధాన్ని దెబ్బతీసిందేమో”
“నిజానికి మా అమ్మ నాకు ఒక రోల్ మోడల్. బెస్ట్ ఫ్రెండ్. నా ధైర్యానికి మూలస్తంభం. తల్లి-కుమార్తె సంబంధం ఎప్పుడైనా బలంగానే ఉంటుంది. కాని మా అమ్మ నియంత్రించడానికి అనేక మార్గాలను ఎంచుకుంటుంది. ఒక్కోసారి ఆమె ఉదాసీనతను ప్రదర్శిస్తుంది. మరోమారు భావోద్వేగ బ్లాక్‌మెయిల్‌ను ఉపయోగిస్తుంది. నా కార్యకలాపాలను పర్యవేక్షించడానికి, నియంత్రించడానికి ఎప్పుడూ ప్రయత్నిస్తుంది. ఇది బాస్-సబార్డినేట్ సంబంధంగా నాకు ఒక్కోసారి అనిపిస్తుంది. ఇంక ఆమెను సంతోషపెట్టడానికి, ఆమె అంగీకారం పొందడానికి ప్రతిదీ చేయాలంటే నా వల్ల కాదు” లేఖిని అంది.
“కొన్ని సందర్భాల్లో, తల్లులు రక్షణ కోసం తమ కుమార్తెలను నియంత్రించడానికి ప్రయత్నిస్తారు. ఏదైనా నియంత్రించే స్వభావం వల్ల తల్లి, కుమార్తె సంబంధంలో అనారోగ్య వాతావరణం ఏర్పడుతుంది” రాధిక, సంధ్యను చూస్తూ అంది.
” నాకు భావోద్వేగం వస్తే మా అమ్మ తోనే పంచుకుంటా. మా అమ్మ అందుబాటులో లేనప్పుడు, నేను ఒంటరినై పోతా. అప్పుడు నాన్న గుర్తొస్తాడు. అందుకే నా లైఫ్ లో గాప్ ఏర్పడుతోంది.
మా అమ్మ నాకు అవసరమైనప్పుడు శారీరకంగా మానసికంగా దూరంగా ఉంటుంది. ఈ మధ్య కౌగిలించుకోవడం లేదా చేతులు పట్టుకోవడం వంటి శారీరక స్పర్శ తక్కువైంది. ఈ రకమైన కనెక్షన్‌ను మా అమ్మకు బాగుంటుంది” లేఖిని తల్లిని చూస్తూ అంది.
” ఏం లేదు. అవన్నీ బజారులో చేస్తానంటుంది. ఇంట్లో ఉన్నప్పుడు ఆ ఫోన్ కి, లాప్ టాప్ కి అతుక్కుపోతుంది” సంధ్య నవ్వుతూనే చురుగ్గా అంది.
” అయినా సంధ్యా, తీర్పు సంబంధం
కూతుర్ని చక్కగా తీర్చిదిద్దేందుకు ఉపయోగపడదే. కుమార్తె ప్రతి కదలికను విమర్శించడం సరికాదు. తల్లులు తమ కుమార్తెలను ప్రోత్సహించాలి.
స్వతంత్రంగా ఉండగల సామర్థ్యం తీసివేయబడితే, అది జీవితంలో ఎదగడానికి ఆమె సామర్థ్యాన్ని అణచివేయవచ్చు. అయినా సంధ్య అలా ఏం చేయదు” రాధిక సాఫ్ట్ గా సంధ్యను మందలించింది.
“ఏ సంబంధంలోనైనా విభేదాలు సర్వసాధారణం. తల్లి, కుమార్తె మధ్య కూడా జరుగుతుంది. గొడవలు రెగ్యులర్‌గా మారినప్పుడు, రిలేషన్‌షిప్‌లో పోటీతత్వం పుడుతుంది. అది మళ్లీ ఆగ్రహానికి దారి తీస్తుంది. నిరంతరం పోరాడడం అనేది జీవితంలో జరిగేదే. అయినా మా అమ్మ ఎన్‌మెష్డ్ రిలేషన్‌షిప్ మైంటైన్ చేస్తుంది. నన్ను బెస్ట్ ఫ్రెండ్‌గా చూస్తుంది. ఇద్దరం అభిరుచులు, భావాలు, అనేక ఇతర విషయాలను పంచుకుంటాము. కాని మా అమ్మ పోలిసింగ్ ను మానదు.” అలేఖిని అమ్మ వైపు చూస్తూ అంది.
” నేను భర్తకు దూరమాయ్యాను. కూతుర్ని కూడా దూరం చేసుకోకూడదని నా భావన. విడిపోవడానికి వెనుక అనేక కారణాలు ఉంటాయి. ఇది జీవితంలో ఏ దశలోనైనా సంభవించవచ్చు. కొన్ని కారణాల వల్ల నేను విడాకులు తీసుకోవడం జరిగింది. అయినా నేను మరొక వ్యక్తిని వివాహం చేసుకోలేదు. నా కుమార్తె నా జీవిత భాగస్వామిని అగౌరవపరచడం జరుగుతుందని కాదు. కూతురుకి ఇబ్బంది ఉండకూడదనే. అప్పటికి
నా కుమార్తెతో రోజు జీవితంలోని ఇతర విషయాలను చర్చించడానికి ప్రతిరోజూ సమయాన్ని కేటాయిస్తాను. తను భయం లేకుండా ఏదైనా తన గురించి బహిరంగంగా చెప్పే వాతావరణం కల్పించాను. ఆరోగ్యకరమైన బంధం ఆత్మవిశ్వాసాన్ని కలిగి ఉండే సామర్థ్యాన్ని రూపొందిస్తుంది. కానీ అనారోగ్యకరమైన సంబంధం ఆమెను అనుమానించేలా చేస్తుంది. ఫలితంగా ఆత్మగౌరవం తగ్గుతుంది. కాని నా కూతురితో నా బంధం అనుకున్నట్లుగా జరగడం లేదు. అందుకే నేను కూడా ప్రభావితమవుతున్నాను.” సంధ్య చెప్పింది.
“మీ ఇద్దరు సంతోషంగానే వున్నారు. పొరపొచ్చాలు సహజమే. స్త్రీ జీవితంలో తన తల్లితో ఉన్న బంధం ప్రధానమైనది. ఆ సంబంధం దెబ్బతింటుంటే, ఆమె తన భవిష్యత్తు సంబంధాలను విశ్వసించడంలో, విధేయతతో ఉండడంలో ఇబ్బందిని ఎదుర్కొంటుంది. యుక్తవయస్సులో ఇతరులతో కనెక్ట్ అవ్వడంలో ఆమెకు అభద్రతాభావం ఉంటుంది. మొదట్లో నందిని ఇలానే ఇబ్బంది పడేది.
ఆ తర్వాత నేను తను చెప్పేది వినేదానిని. ఆమెను అర్థం చేసుకోవడానికి ప్రయత్నించాను. నిజానికి
మన స్వంత ఆలోచనల గురించి ఆలోచిస్తున్నప్పుడు వినడం కష్టం. చాలా సందర్భాలలో, నేను చెప్పింది నిజమని అనుకునేదాన్ని. అంతరాయం కలిగించకుండా, విశ్లేషించకుండా వినడం ప్రారంభించా. ఏవైనా విభేదాలు, గందరగోళాన్ని నివారించడానికి మాత్రమే ప్రశ్నలు అడగొచ్చు. సమాధానాలు పొందొచ్చు. సులభంగా కనెక్ట్ అయ్యే మార్గం ఇదే. కమ్యూనికేషన్ లేకపోవడం వల్ల చాలా అపార్థాలు సంభవిస్తాయి. తల్లి, కుమార్తె ఆరోగ్యకరమైన, నిజాయితీతో కూడిన సంభాషణను కలిగి ఉండాలి. ఉదాహరణకు, ఒక తల్లిగా, నీ కుమార్తె స్నేహితుడి వద్ద రాత్రి గడపడం మీకు నచ్చకపోతే, కారణాలను వివరించడం ద్వారా మీరు దానిని ఆమెకు తెలియజేయాలి. మరోవైపు, ఒక కుమార్తెగా, మీ తల్లి అతిగా రక్షిత ప్రవర్తన మీకు నచ్చకపోతే, ఎందుకో ఆమెకు తెలియజేయండి. మృదువైన, మానసికంగా సురక్షితమైన కమ్యూనికేషన్ ఖచ్చితంగా ప్రభావవంతంగా ఉంటుంది. కాదంటారా” ఇద్దర్నీ చూస్తూ నందిని అంది.
సంధ్య కల్పించుకుని
“తల్లీకూతుళ్ల అనుబంధం ఎంత సన్నిహితంగా ఉన్నా, కొన్ని హద్దులు ఉండాలి. తల్లి, కుమార్తె మంచి స్నేహితులు కావచ్చు. కానీ ఆరోగ్యకరమైన సరిహద్దులు ఉండాలి. ఇది బంధాన్ని మెరుగుపరచడంలో మాత్రమే కాకుండా గౌరవప్రదమైన సంబంధాన్ని కొనసాగించడంలో సహాయపడుతుంది. సాధారణంగా, నేను వాదనల ఎపిసోడ్ తర్వాత మౌనంగా వుంటాను. ఈ ఉపసంహరణ దీర్ఘకాలం కొనసాగితే తల్లి, కుమార్తె మధ్య అంతరం పెరుగుతుంది. ఎదురుచూడకుండా, ఒకరితో ఒకరు మాట్లాడుకుని త్వరగా సర్దుకుపోవడం మంచిది. దీంతో గాయాలు వేగంగా మానుతాయి. అందుకే నాకు నచ్చని విషయాల్లో నేను మౌనంగా వుంటాను. అది లేఖకు నచ్చదు”
“అమ్మా, మనం వేర్వేరు దృక్కోణాలు కలిగిన ఇద్దరు వేర్వేరు వ్యక్తులం. వాదించుకోవడం, ఎల్లప్పుడూ చర్చను గెలవడానికి ప్రయత్నించే బదులు, కొన్నిసార్లు పరస్పర పరిష్కారాలు ఉండవని మనం అంగీకరించాలి. విభేదాలను అంగీకరించి జీవితంలో ముందుకు సాగడం మంచిదని నా అభిప్రాయం” అలేఖిని సాలోచనగా చెప్పింది.
” లేఖా, ఒక తల్లి, కుమార్తె ఒక ప్రత్యేక బంధాన్ని పంచుకుంటారు. తల్లికి తన కూతురిపై ఉన్న ప్రేమ బేషరతుగా ఉంటుంది. మాటల్లో వర్ణించలేము. సంబంధం, ప్రేమ, వెచ్చదనం, ఆప్యాయత ఇవన్నీ సంరక్షణ ద్వారా వర్గీకరించబడుతుంది.
తల్లీ-కూతుళ్ల సంబంధం వ్యక్తుల మధ్య మారవచ్చు. కానీ ప్రతి బంధం నువ్వన్నట్లే ప్రత్యేకమైనది. భర్తీ చేయలేనిది. తల్లులు, కుమార్తెలు ఉత్తమ స్నేహితులు కావచ్చు. అత్యంత సంతృప్తికరమైన సంబంధాన్ని కలిగి ఉండవచ్చు. అయితే, బంధం కొందరికి గమ్మత్తైనది కావచ్చు. ఒక తల్లికి, అధిక నియంత్రణ ప్రవర్తన, తీర్పు చెప్పడం కుమార్తెను ట్రోఫీ చైల్డ్‌గా ఉపయోగించడం వంటివి మానసిక దూరాన్ని కలిగిస్తాయి. నేను ఇప్పుడన్నా అలా చేశానా? ” సంధ్య అడిగింది
లేఖిని తల అడ్డంగా ఊపింది.
“అయినా మీ ఇద్దరి మధ్య ఇంత చక్కని క్లారిటీ వుంది కదా. అయినా ఎందుకు గాప్ ఉంటోంది. ఇంకా మీ ఇద్దరు అన్నీ వ్యక్తిగత విషయాలు పంచుకోవడం లేదని నేను అనుకుంటున్నాను. మీ అమ్మ బ్యాంకు ఎంప్లాయ్ కాబట్టి కమ్యూనికేషన్ స్కిల్స్ బాగుంటాయ్ ” నందిని మెచ్చుకుంటూ, చురక అంటించింది.
” లేదు. లేఖ వాళ్ళ నాన్న గురించి నేను అసలు విషయాలు చెప్పి దాన్నుండి వాళ్ళ నాన్నను వేరు చేయలేను. వాళ్లిద్దరి మధ్య మంచి సంబంధం ఉంది. అది కొనసాగనీ. అతను వేరే మహిళతో సహా జీవనం చేస్తున్నాడు. అయినా కూతురితో బాగానే వుంటున్నాడు. తమాషాగా లేఖ నాన్నను అర్ధం చేసుకుంది. నన్ను సర్దుకు పొమ్మంటుంది. ఎలా సర్దుకు పోవాలి” కళ్ళ వెంట కారుతున్న నీళ్లను తుడుచుకుంటూ సంధ్య అంది.
” అమ్మ నువ్వు ఆనందంగా ఉండాలంటే ఏం చేయాలో చెప్పు. అది చేస్తా. అంతేకాని జరిగి పోయిన దాన్ని గురించి ఎక్కువ అలోచించి మనసు పాడు చేసుకోవద్దు. కాని వంట గదిలో సహాయం మాత్రం నన్ను అడగొద్దు. నాకు నాన్న మాదిరి ప్రేమను వ్యక్తపరచడం తెలీదు. నువ్వు ఏడవటం ఆపేయ్ అమ్మా ” లేఖిని అనునయిస్తూ అంది. నందిని సంధ్యను దగ్గరకు తీసుకుని సముదాయిస్తూ అంది ” ఈ కాలం పిల్లలకు జీవితాన్ని కుదిపేసే విషయాలు చాలా చిన్నవిగా అనిపిస్తాయు. అందుకే తేలికగా వివాహాలు, విడాకులు తీసుకుంటున్నారు. అంత మాత్రాన వాళ్లు మనల్ని అర్ధం చేసుకోవట్లేదు అనుకుంటే ఎలా. ఇది కాలం సమస్య. మన సమస్య కాదు. అది మన సమస్యగా రుద్ద పడుతోంది. ఎందుకంటే మనకు ఓదార్పు నిచ్చే అంశాలు ఇప్పుడున్న కాలంలో లేవు. అప్పుడంటే పుట్టింటికి వెళ్లే వాళ్ళం. ఇప్పుడు పుట్టిల్లే లేకపోతే ఎక్కడకి వెళ్ళాలి. మనం మారడం తప్ప. అయినా వాట్సాప్, ఇంస్టాగ్రామ్ వచ్చినా ఫేసుబుక్ ఉందిగా. ఫ్లైట్ వచ్చినా సైకిల్ వుంది. సెల్ వచ్చినా రేడియో ఉంది. ఓటిటి వచ్చినా సినిమా వుంది. దేనికదే ప్రత్యేకమైనది. నీ మాదిరే” సంధ్యను బుజ్జగిస్తూ నందిని అంది.
