మాటాడుతున్న వారు 
ప్రశ్నిస్తున్న వారు
రాస్తున్న వారు
పాడుతున్న వారు
అందరూ కూడా
అర్బన్ నక్సలే

నిజానికి నువ్వు
అంటున్నది బెదిరించి
నోళ్లు మూయించడానికే
ప్రజల వైపు ఎవరూ
మిగిలి ఉండకూడదన్నదే
ఈ మాట వెనక సూత్రం

కానీ
ఇది ఇప్పుడు ఒక
అవార్డులా తయారయింది
ఇలా నువ్వు ఎవరి గురించైనా
చెప్పావంటే వాళ్ళు నిన్నంతగా
భయపెట్టారని ప్రజలు
గుర్తిస్తున్నారు

స్వేచ్ఛను ఇంతలా
హరించిన ప్రతిసారీ
అది చీకట్లను
తెంచుకుని మరలా
రివ్వున పైకి లేస్తుంది

గొంతులపై మోపిన
ఉక్కు పాదాన్ని
పెకలించే నాగలిగా
రూపాంతరం చెందుతుంది

సరిహద్దులలోని
సైన్యాన్ని ప్రజలపై
మోహరిస్తున్న ఈ కాలంలో
రైతులు నీ సరిహద్దులను
చుట్టుముట్టి వున్నారు

ఓట్ల జూదమాడుతూ
దేశమంతా నీ జెండా
ఎగురుతుందన్న భ్రమలో
నువ్వున్నావు

కానీ మరలా మెల్లగా
విస్తరిస్తున్న ప్రజల జెండా
నిన్ను భయపెడుతుంది
అదే అర్బన్ నక్సల్ జెండా!

Leave a Reply