వృక్ష ప్రేమికులు

మహావృక్షాలుగా ఎదిగి
 తరాలకు నీడనిచ్చిన
 మా పూర్వీకులను కుప్పగూల్చి
 సమాధుల్లో పూడ్చిపెట్టారు
 ఆ పక్కనే
 వాళ్ల జ్ఞాపకాలనీ, చరిత్రలనీ బొంద పెట్టారు 

ఎంతైనా వృక్ష ప్రేమికులు కదా 
ఒక్కొక్క సమాధి మీద
 ఒక్కొక్క చెట్టును పెంచారు 

అవి ఇప్పుడు వనాలైనవి 
రంగురంగుల వనాలు 
ఇంద్రధనస్సులో ఊహలు 

ఆ చెట్ల నీడన 
వాళ్లు కబుర్లు చెబుతూ
 తమ పూర్వీకుల
 విజయ గాథల్ని నెమరేస్తూ
వింత మైకంతో 
యమహా సిస్టంకు
 అనుగుణంగా డాన్స్ చేస్తూ
 పిచ్చి కేకలు వేస్తుంటారు
 "Fuck you Palestine "

కాళ్ళ కింద కంకాళాలు 
అస్థిరంగా కదులుతుంటాయి
              *
అనువాదం: ఉదయమిత్ర