‘రాహుల్ వాదం’ వినిపించాల్సిందేనా?
రాహుల్ గాంధీ ఉదంతాన్ని సాధారణ అధికార రాజకీయాల్లో భాగంగా చూడ్డానికి లేదు. పాలకవర్గంలోని ముఠా తగాదాగానే చూడ్డానికి లేదు. దేశ రాజకీయాలు వేగంగా కొత్త దశలోకి చేరుకుంటున్నాయనడానికి ఇది గుర్తు. ఫాసిస్టు పాలనలో దేశమంతా తీవ్ర సంక్షోభంలో పడిపోయి, అనేక మంది జైళ్లపాలై, అనేక మంది అనర్హతలను, నిషేధాలను, అణచివేతలను ఎదుర్కొంటున్న సందర్భంలో పాలక పార్టీ నాయకుడైన రాహుల్గాంధీకి కూడా అలాంటి అనుభవమే కలిగింది. ఫాసిజానికి వ్యతిరేకంగా దేశమంతా నిరసనలు, ఉద్యమాలు పదునెక్కుతున్న తరుణంలో రాహుల్ గాంధీకి జైలు శిక్ష, ఆయన లోక్సభ సభ్యత్వం రద్దు అనేవి ప్రజా క్షేత్రంలో కూడా ప్రాధాన్యత సంతరించుకున్నాయి. ఫాసిజం పాలకశక్తులను కూడా
